علی اکبر صابیر ( 1911-1862) قسمت اول

صابیر آذربایجان ادبیاتیندا یئنی بیر آخیم (جریان) آچان بویوک خالق شاعیری دیر. اونون آدی علی اکبر،سوی آدی طاهیرزاده دیر. صابیر تخللوص ائله ین شاعیر 1862 جی ایلده شاماخی شهرینده بیر باقال عائله سینده دوغولمیشدیر. آتاسی دیندار بیر آدام اولدوغوندان کیچیک صابیرین گلجک ده درویش اولماسینی آرزو ائدیردی ، کی حتی اوشاق ایکن اونا درویش پالتاری آلیب گئییندیریمیش. صابیر 8 یاشینا چاتدیغیندا آتاسی اونو مالا مکتبه وئریر، بو مکتبده اونا دینی کیتابلارین اوخوماسینی اویره دیرلر آنجاق یازماق اویره تمیرلر.یا زماق ایسته ینده ماللاسی طرفیندن دویولوردو.بیر یاندان دینچی آتاسی صابیره اوروج توتدورور. صابیر اوشاق ایکن بو اذیتی بئله شعره چکیر:

توتدوم اوروجو رماضاندا

 قالدی ایکی گوزوم قازاندا 

ماللادا دویور یازی یازاندا

آتاسی صابیری 12 یاشیندا حاجی سید عظیم شاماخی نین مکتبینه وئریر. صابیر شعری و اینجه صنعتی سئویر و اوخویور آنجاق تحصیلینی دوام ائدیره بیلمیر. آتاسی اونو آل-وئر ائتمگه مجبور ائدیر. آنجاق صابیر چوخ واختینی شعر یازماغا قویوردو.اونا گوره آتا ایله اوغول آراسیندا ناراضلیق باشلاییر. صابیر داها بونو چکمیر و باکی یا دوغرو یولا دوشور آنجاق آتاسی اونو یولدان قایتاریر.ائیللر دن سونرا صابیر خوراسان زیارتی نی بهانه ائدیب تورکیستانی، عراق شهرلرین خراسانی گزمک اوچون یولا چیخیر. تورکیستانی گزرکن شاماخی دان آلدیغی بیر مکتوبدا آتاسی نین اولومون ائشیدیر. صابیر شاماخی یا دونو دن سونرا صابون پیشیریب ساتماغلا دولانیر. صابیر شاماخی دا عابباس صحت بیر آچیق فیکیرلی بیر شاعیرینه ن تانیش اولور.صحتین ائوی او زامان آچیق فیکیرلر اوچون بیر ییغیناجاق ائویدی. صابیر بو ییغیناجاقلادان چوخلو شئی لر اویره نیر.او قزئت اوخویور. دونیا سیاستی ایله تانیش اولور 1905 جی ایلده دئوریمین(اینقیلاب) ائتگی سی (تاثیری) آلتیندا دوغان آزادلیق فیکیرلری اوندا یارادیر